Twitter

Për Ty o Allah

Në thellësitë e pafundme të oqeanit shpirtëror

I shkrirë në ekstazën e ëmbëlsisë hyjnore

Ndjej lehtë një dridhje tek më përshkon në kraharor

Allah! O Zot i kësaj ekzistence madhështore

Vetëm Ty të takon përjetësia, Vetëm për Ty është adhurimi

Vetëm Ty të takon pafundësia, Vetëm për Ty është madhërimi

O Zot i vetëm i kësaj gjithësie

Që shpirtrat tanë në Dorë i ke

Na fal neve këtë ndjenjë mirësie

Mos na le të vuajmë, në humbje mos na le.

Zemra ime vetëm Ty të kërkon

Këtë shpirt timin mos e le në errësirë

Emri Yt tërë  qenien ma drithëron

Na dhuro o Zot, rahmet e mëshirë

Sabri Bajgora

2.02.2008

Kavajë,