Jetimëve të Shqiptarisë

(Mjaft vëllavrasjeve në trojet shqiptare)

Ç’është ky zë që shpon qiellin

Ç’është ky vaj që t’shtin në dhe

Kush e zuri kështu diellin

Ç’janë mbi qiell, t’zeza këto re

Ç’janë këta lot që po pikojnë

Pika-pika lagin tokën

Janë jetimët që vajtojnë

S’kanë me çka ta shtrojnë as sofrën

Kush ua mbyti këtyre shpresën

Kush kështu zemrat ua copëtoi

Kush ua nxiu këtyre jetën

Plagë të thellë n’shpirt u shkaktoi

Mjaft më vrasje, mjaft më krime

Mjaft më dorën mbi vëlla

Mjaft më lot, mjaft më mallkime

Se kurrë dritë nuk kem me pa

Fshije lotin biri im,

Fshije lotin nëna ime

Shtrini dorën njëri-tjetrit

Sot është Dita për pajtime

Në emër të Zotit, me besa-besë

Shtrije dorën more vëlla

T’respektojmë urdhrat e fesë

Na fal neve o Allah.

Sabri Bajgora,

06.07.2007, Prishtinë